Carito zaman saisuak..sangkek tembok berlin alun runtuah lai..
Tasabuik lah, si oyon, urang awak y tingga d jerman barat sinan..
Nah, paja ko acok bajalan malinteh perbatasan..pai ka pakan minggu (ruponyo ado lo hari pakan di jerman tu)
Pitok (urang awak juo) petugas perbatasan : Guten tag..!
Oyon : santai ndan, ambo ka tampek gaek ciek lu..
Pitok : masuak pos waang dulu, den pareso!
(Ndak lamo)
Ok..jam bara ang ka baliak!
Oyon : jam tigo, labiah-labiah stek lah ndan
Pitok : eh jan banyak cencong ang, labiah stek, den kirim ang ka tangsi beko
Oyon : mintun lo yo, jadihlah
Pai lah malenggang kangkung si oyon ko ka pakan di jerman timur ko..ka tampek gaek nyo manggaleh lado.. (Ado lado pulo di jerman)
Nah sekitar jam tigo kurang stek.. Nampak lah dr jauh si oyon tadi bawok bakaruang-karuang goni gadang di jok belakang..
Di stop nyo capek dek si pitok tadi si oyon ko..
Basorak lah si pitok :
Oi yon apo nan angku bawok tu?!
Tadi angku malenggang..kini bawo barang-barang
Lai tau angku, indak bisa sumbarang bawo barang kalua masuak perbatasan ko, ha?! Jaleh dek angku tu?!
Ko kasiak nyo ndan, panimbun rumah wak ko ha.. Saketek nyo ndan.. Jan kanai pajak pulo..
Jawab si oyon
Pitok:
Eh ndak baitu caronyo doh..
Bongka!!!
Sempat macam-macam yang angku bawok koh..den dabiah angku disiko..
Oyon:
Pareso bana lah dek komandan, kok iyo.. (Cameh-cameh stek)
Tu lah tunggang tunggik si pitok mamareso karuang tu..
Ruponyo lai kasiak se isi kasadoalahnyo..
Pitok: bakirok lah ang capek (kesal)
Oyon: mokasi ndan..ko rokok untuak komandan (manyogok : mode on)
Nyo tancap gas dek si oyon ko..
Dalam hati mangucap-ucap:
Untuang lai ongok paja ko mah
Bisa ko mah..
Terjadilah kejadian berulang tiok pakan..
Tapi dek si pitok kareh hati..tiok lewat nyo bongka taruih..karuang urang ko..
Si oyon basibanak se..tapi lai ndak cameh-cameh bana dek ka pandia nyo si pitok ko
Lai batahun macam itu, sampai pensiun si pitok ko..
Dek mati penasaran si pitok ko yakin ado yang dihandokkan si oyon ko salamo nyo bolak-baliak jerman timur-jerman barat tiok hari pakan
Datang lah pitok ka tampek si oyon..
Tacangang nyo mancaliak rumah si oyon alah laweh, batingkek, baparak, bataranak, bakolam ado alpardh lo parkir dimuko rumah..
Batekad dalam hati si pitok ko..oih aden harus dapek jawaban dari pajako..apo nan nyo karajokan ko bisa macam ko hiduiknyo kini..
Oi ndan..a kaba tu..naiak lah ka rumah: sorak si oyon
Naiak lah si pitok ka ateh rumah si oyon..mangopi-ngopi..
Pitok:
Yon, aden penasaran kok bisa jadi rang kayo ang kini?
Jan takuik..aden lah pensiun kini..ndak kabaa gai do!
Aden yakin ado yang ang selundupkan salamo ko, cuman aden ndak tau!
Agiah tau lah aden kini..buliah ndak mati penasaran den dek waang yon!
Galak gadang takakeh-kakeh lah si oyon mandanga pengakuan si pitok ko..
Kiro-kiro apo yo jawaban si oyon?
Posted with WordPress for BlackBerry.
